حقيقة ليكس- لقاء الحريري، الحسن، ليمان، والصديق

i. مقتطفات صوتية من اللقاء الذي جمع زهير الصديق وسعد الحريري ووسام الحسن وغيرهارد ليمان ومحقق دولي اسمه آندي، وقد تضمن التالي:
[ سعد : هلأ لا أنا , ولا أنت ولا مراد ولا جيرالد ولا آندي .. ولا واحد بكل لبنان ولا واحد بكل سوريا شاكك إنو هني عاملينها ..
زهير : ما حدا شاكك ؟
سعد : يعني هني اللي عاملينها . طيب نحنا عم نتعامل مع دول . هالدول العربية اذا ما بتجبلها دليل قاطع إنو النظام السوري بكذا وكذا وكذا وبدليل كذا وكذا إنو هم مشتركين , في عندهم مشكلة .. خليني كمّل .
زهير (يقاطع) : قبل ما تكمل , في نقطة لحظة شوي , اذا بدّك تحكي هيدا الكلام بدك ترد عليهم بالذي أساؤوا فيه إلي .. هاي اول شي بالنسبة للدول العربية , قبل الاجنبية .

زهير : ما بعرف. ما بدي إحكي كلمة إلا أنا كون مسؤول عنها وسام لأنه بدها تصير مواجهة , بدي واجه ناس أنا, ما بدي إحكي كلمة يقول لي هيدي إيمتى.
سعد : إيمتى بدك تجيب 1 و2 و3 ؟
زهير : من اللي هلأ عم بيساوو التفجيرات في لبنان. أنا بجيبهم .. أنا بجيبهم وبجيب أبوهم. شغلتي هاي , هاي شغلتي, انا اللي بجيبهم. (يتابع توجيه كلامه لسعد) التلفون اللي دقيتلك ياه انو رح يبعتوا عشرين واحد. التلفون اللي قلتلك ياه انو بدها تبلش التفجيرات, صارت ؟ وعم تشوفها ولسّه . دقيتلك تلفون اول مبارح بالليل بتتذكر, شفت المكالمة ؟ دقيتلك اول مبارح بالليل (يؤكد) .
سعد : إمم.
زهير : ما رديت علي, دقيتلك مرة ثانية, قلت يمكن نام يمكن الصبح بيدقلي, لأقول لك إنو في عبوة بدها تروح على أل بي سي, طلعت بمي (الشدياق) راحت مي. في عندي ناس أنا قلتلك لهلأ ..
سعد : انت عادة بدك تحكيني بتبعلتي ماسيج (رسالة).
زهير : وقت الضرورة؟ مني عرفان شلون ابعت الماسيج, عم اكتبلك "أنا" أحيانا.
سعد : إيه , بس عم بعرف إنو إنت.
زهير : دقيتلك يومها اكترمن مرة, رنيت رنيبت رنيت, ما رديت. تاني شغلة انت رئيس كتلة المستقبل , دريت انت إنو نبيه بري نزل على سوريا وهو بإسبانيا؟
سعد : هو ما كان بإسبانيا.
زهير : لأ راح على إسبانيا. ودريت إنت إنو نزل على سوريا ؟ وقبل ما يجي على لبنان بأربعة أيام حصرا؟ وقابل حسن نصرالله مع بشار الأسد لمدة ساعة ونص؟ وتأكد من هالمعلومة .

زهير : (يخاطب الحريري) قبل ما تروح ترجملو كلمة, قل له ان زهير ما رح يخليكن تكونوا للعالم نظرة, لا , قل له (لليمان) ان الحقيقة عنده (للصديق) وبإذن الله كلها كاملة رح تكون, يعني ما في مجال.
سعد : (يترجم مضمون كلمة زهير بالإنكليزية , ثم يضحكون).
زهير : قبل ما تروح فهمني شغلة بس قبل ما تروح, هلأ نحنا وين بدنا نروح, عالبيت ما .. أنا اذا بدي إنزل على لبنان, مرتي (زوجتي) وين بتضل؟ هون؟ لأ , يا بالسعودية , يا إما اخوها من لبنان بيجي ..
سعد: من جيبو لهون خلص.
زهير : انا اذا بدي انزل على لبنان , زوجتي وين رح بتضل, هون لا, اما بالسعودية او يأتي اليها أخوها من لبنان.
سعد : (يتحضر للمغادرة)
زهير : مستعجل شيخ سعد؟ (بصوت مرتفع)
سعد : انا عندي اجتماعات.
زهير : عندك اجتماعات, بدي منك تنزلني اقعد سبعة أيام بتصرف هالزلمي (ليمان) وهو بتصرفي. نفذلي إياها 7 أيام حتى اجبلك واحد واثنين واسلمك خلية كاملة تعمل على الأرض.
وسام : ما في مشكلة.

وسام الحسن : خليني اقول لك , شو بتعرف عن دور الأحباش بالموضوع, غير موضوع أبوعدس, كان لهم شي دور معين؟
زهير : بشو؟
وسام : ما بعرف, على مسرح الجريمة ..
زهير : بموضوع الحريري, بعرف ان هني اللي أمنوا أبوعدس. بموضوع الحريري .
وسام : (يترجم بالإنكليزية).
زهير : أما بموضوع العيراني, الأحباش اللي قتلوه, رمزي عيراني هني اللي قتلوه.
وسام (يوصي المحقق) : اكتبها على ورقة انهم هم أمنوا ابوعدس.
زهير (يضحك ويخاطب المحقق): آندي تذكر ابوعدس وهيدول الأحباش.

وسام الحسن يشرح لزهير المطلوب منه في بيروت (بشكل تلقين).
وسام : انت قلت في السابق انك كنت في 4 الشهر (شباط) تركت سوريا ولم تعد الى لبنان. الآن انت قررت او بالأحرى أبلغتنا انو لا, انو كنت موجودا في لبنان كل الوقت حتى بعد 4 الشهر, وكنت على مسرح الجريمة في 14 الشهر (شباط).
وسام (يتابع ) : بشكل عام تقول لهم, تقول إنو انا شو اللي حصل , كيف كنت وشو صار على مسرح الجريمة , بشكل عام , وبعدين ببيروت بترجع تعطي كل شي بالتفصيل .
زهير : وين ببيروت ؟
وسام : عندهم هني.
وسام يتفاوض مع زهير ليقول كل ما لديه امام المحققين وعندما ينتقل الى لبنان

[ وسام : بصوت خافت) زهير , لازم تعطينا كل شي ..
زهير : ما بشوف سعيد ميرزا حتى يطلع القرار الإتهامي
وسام : انا بوعدك اذا بتعطيني كل شي ..
زهير : انا مو خايف من سعيد ميرزا
وسام : (يتشهد) انا بوعدك اذا بتعطيني كل شي , ما بتشوف سعيد ميرزا ليطلع القرار الإتهامي وحتى بعد القرار الإتهامي
زهير : إيه معليش انا بس يطلع القرار الإتهامي بشوفو . بس المهم , وسام لفهمك شغلة.