كوسة محشي باللبناني

يسعدني ان اقدم لكم اول طبق لي من المطبخ اللبناني وهو لذيذ كتير
كل بلد عندها محاشي لكن الطريقة تختلف من بلد لاخر :::

__________________________________________________

اول شي منعمله منقور الكوسا او منحفره متل مابتقولو



تاني شي بعد الحفر نضع الكوسا في جاط محطوط فيه ماء وملح
ومنغسل الكوسا بالماء والملح من الخارج والداخل ...



وهنا الحشوة نحتاج كوب او كوبين رز حسب الكوسا منغسله بالماء + 2 بندورة منفرمهم ناعم
+ بقدونس كمان ناعم + القليل من الملح + القليل من البهار + قليل من النعنع اليابس
+ لحمة مفرومة ناعمة متل لحمة الكبة + القليل من زيت الزيتون ..




الحشوة بعد الخلط منيح



منجيب الصنوبر نضعة بمقلاة ونضع القليل من السمنة ونحمصه



حتى يصير بهيدا الشكل ...



منجيب الطنجرة ومنحط لبن يعني لكل كوب لبن كبير نص كوب ماء
يعني شو انو تطلع المرقة جامدة شوي منحطها على النار ومنضع فيها
كوساية وحدة والصنوبر ونبدا بالحر لانتركها ابدا لحتى تغلي المرقة
يعني نفضل نحر ونحر لحتى تغلي ..منشان ما تعمل قريش تقرش ييعن
والكوساية منشان تسرع في غليان المرقة ...



وهنا لما تغلي المرقة منضع نعنع اخضر + ملح + سمنة + بهار اذا بدكن
ومنضعها على نار هادئة وكمان لانغطي الطنجرة بغطا نغطيها نص غطا
خليها تتنفس ... ولا حتى بعد ما تخلص الطبخة نحط غطا دغري بس تبرد



وهيدا بعد ما انطبخت لذيذة كتير .....









وصحتـــــــن وعافيـــــــة